देऊळगावराजा तलाठी कार्यालयातील भाग ३ मधील साजा पिंपळनेर, अंभोरा या भागांसाठी शासकीय कोतवालाची नियुक्ती करा

देऊळगावराजा :- येथील तलाठी कार्यालय येथे भाग ३ मध्ये खाजगी व्यक्तींच्या भरोशावर तलाठी कार्यालयाचे काम सुरु आहे. दोन-तीन महिन्यापासून तलाठी कार्यालय कधी ११.०० वाजता तर कधी १२.०० वाजता उघडण्यात येते. तसेच ४.००  वाजता बंद करण्यात येते.

     हे तलाठी कार्यालय खाजगी व्यक्तींच्या भरोशावर चालू असल्यामुळे गोरगरीब जनतेचे व निराधार लोकांचे कामाला गती मिळत नाही. खाजगी व्यक्तीकडून नागरिकांना जास्त पैशाची मागणी करुन नागरिकांची व विद्यार्थ्यांची लूट सुरु आहे. आता शाळा उघडलेल्या आहेत. शाळेसाठी दाखले, उत्पन्न दाखले, कॅरेक्टर सर्टिफिकेटसाठी धावपळ सुरु आहे.

     या कामासाठी तहसीलदार साहेबांनी शासकीय कोतवालाची तलाठी कार्यालयात नियुक्ती करावे जेणेकरुन नागरिकांचे व विद्यार्थ्यांचे काम सोयीचे होईल. शासनाचा जी.आर.क्रमांक – संकीर्ण 2024/प्र. क्र. 363/ई-10 नुसार खाजगी व्यक्तींची नियुक्ती करता येत नाही. तरी साहेबांना विनंती ही शासकीय कोतवालाची नियुक्ती करावी असे निवेदन तहसीलदार यांना देण्यात आले आहे.

     सदर निवेदनावर जय शिवसंग्राम संघटनेचे तालुकाध्यक्ष जहीरखान पठाण, शहराध्यक्ष अजमत खान, युवक शहराध्यक्ष शंकर वाघमारे, मुबारक चाऊस, आयाजखान पठाण, राजू गव्हाणे, साजिद खान, असलमखान, किशोर वाघ, राजेश भाग्यवंत आदींच्या स्वाक्षऱ्या आहेत.